ნანახია: 856

ევროპის "ნაგავი" ობლიგაციების ბაზარი, რომელიც დაბალი საინვესტიციო რეიტინგით გამოირჩევა, ნელ-ნელა გამოცოცხლებას იწყებს. ასეთ დასკვნამდე Fitch Ratings-ის ანალიტიკოსები მივიდნენ, როდესაც მიმდინარე წელს გამოშვებული ფასიანი ქაღალდების რაოდენობა გასული წლის მაჩვენებელს შეადარეს.
Fitch Ratings-ის კვლევის თანახმად, ისეთი კომპანიების მიერ ობლიგაციების გამოშვება, როგორებიცააMOrgan Media და ITV-ი, რომელთა ქაღალდები "ნაგვად" მიიჩნევა, ევროპაში 18 მლრდ. ევრომდე გაიზარდა, რაც 2008 წლის ანალოგიური ინსტრუმენტების ემისიას გაცილებით აღემატება, მაშინ 7 მლრდ. ევროს ობლიგაციები გამოუშვეს.
"ზრდის ასეთი ბუმის მთავარი მიზეზი ფინანსირებასთან პირდაპირ კავშირშია. ბანკებს კვლავ არ სურთ კერძო სექტორისთვის კრედიტების გაცემა, ობლიგაციების გამოცემა კი მაღალი პროცენტით ხდება – რაც ფულის კეთების საკმაოდ კარგი გზაა," - განაცხადა Rietumu Banka-ს კლიენტების აქტივების მმართველმა პაველ მელამედმა.
ინვესტორების მხრიდან "გემოვნება" და მოთხოვნა ასეთი აქტივების მხრიდან გაიზარდა. მაღალშემოსავლიანი ფასიანი ქაღალდები შესაძლოა გახდეს კორპორატიული დაფინანსების საუკეთესო გზა.
როგორც წესი, ევროპული კომპანიები თავისი ამერიკელი კოლეგებისგან განსხვავებით, სადაც "ნაგავი" ობლიგაციების რაოდენობა ოთხჯერ მეტია, ალტერნატიული რესურსების კრედიტების სახით მიღებას მიეჩვივნენ. არსებული კონიუნქტურა ბაზარს თავის პირობებს კარნახობს – ევროპა ამერიკის გზას მიუყვება. ადგილობრივი ბიზნესის დაფინანსების წყაროდ სულ უფრო და უფრო ხშირად ისეთი მხსვილი ინსტიტუციონალური ინვესტორები ხდებიან, როგორებიცაა საპენსიო ფონდები და სადაზღვევო კომპანიები.