ნანახია: 885

გერმანული კომპანიების თითქმის ნახევარი აშშ-ში თავიანთი წარმოებისა და კაპიტალის გაზრდას ცდილობენ. ამ გზით კონცერნები დოლარის სისუსტით სარგებლობას და გამყარებული ევროსგან თავის დაღწევას ცდილობენ.
გერმანული ფირმების მხრიდან აშშ-ს მიმართულებით გააქტიურებას წამყვანი 500 მენეჯერის გამოკითხვით ჩატარებული კვლევაც ადასტურებს, რომელიც Droege & Comp-მა და Handelblatt-მა ერთობლივად ჩაატარეს. მიმდინარე წლის გაზაფხულიდან მოყოლებული ევრო დოლართან მიმართებაში თითქმის 20%-ით გამყარდა, ხოლო 2002 წლის ჩათვლით – 70%-ით. გერმანული კონცერნები აშშ-ში ახალ "თავშესაფარს" ეძებენ, რათა ევროს ბაზრისგან დამოუკიდებლობა მიაღწიონ.
მაგალითად, ქიმიურმა კონცერნმა კლივლენდში, ტენესის შტატში, 790 მლნ. ევრო დააბანდა. აქ პოლიცილიციუმის დამზადების ხარჯზე, რომელიც მზის ბატარეების დასამზადებლადაა საჭირო, 600 სამუშაო ადგილი შეიქმნება. საავტომობილო ბაზარზე, მიუხედავად უმძიმესი კრიზისისა, აშშ-ს ბაზარზე თავიანთი წილის გაზრდას Volkswagen და BMW ცდილობენ.
`სამომავლო პერსპექტივაში, შესაძლოა ვივარაუდოთ, რომ გერმანული კომპანიების ინტერესი ამერიკული ფირმების შესყიდვის მიმართ გაიზრდება. რაც უფრო ძლიერია ევრო, მით ნაკლებია მათი ღირებულება",- განაცხადა Droege & Comp.-ის ნიუ-იორკის ბიუროს ხელმძღვანელმა ლარს კნორნმა. რესპოდენტთა დაახლოებით 25%-მა განაცხადა, რომ აშშ-ს ბაზარზე ხელსაყრელი ვარიანტების ძებნაში არიან. დოლარის სისუსტე ყველაზე მეტად წარმოების, ფარმაცევტულ და ქიმიურ კონცერნებს აღელვებთ. ამის მიზეზი კი დოლარის ზონაში მათი ექსპორტზე ზედმეტი დამოკიდებულებაა.
კომპანიების უმეტესობას წარმოების კომპლექსები ამერიკის კონტინენტზე თავიანთი ფირმების დასაცავად გადააქვთ.