ნანახია: 436

სახელმწიფო სტატისტიკურმა სამსახურმა დაადასტურა ადრე პრესაში გაჟონილი ინფორმაცია იმის შესახებ, რომ ესპანეთში უმუშევართა რიცხვმა, პირველად ბოლო 13 წლის განმავლობაში ფსიქოლოგიურ ბარიერს - 20 %-ს გადააჭარბა. ეს, ევროზონის ქვეყნებში აბსოლუტური რეკორდია და ორჯერ მეტია ევროკავშირის საშუალო ამ მაჩვენებელზე.
"ახლა ყველანაირ სამუშაოზე თანახმა ვარ, პატარა შვილი მყავს, ამას იმიტომ ვაკეთებ, რომ იგი გამოვკვებო. მე არ შემიძლია უბრალოდ ვიჯდე და ველოდო.. ჩვენ ემიგრანტები ვართ, ჯერჯერობით უმუშევრობის გამო ვიღებთ დახმარებას, მაგრამ თუ ჩვენ ამის გადახდას შეგვიწყვიტავენ, აღარაფერი დაგვრჩება გარდა აქედან წასვლისა", - ამბობს ბრაზილიელი ემიგრანტი.
4,6 მილიონი ესპანელი დღესდღეობით დახმარებებით ცხოვრობს, ეს იმაზე მეტია ვიდრე გერმანიაში, სადაც მოსახლეობა ორჯერ მეტია ვიდრე ესპანეთში. გარდა ამისა ესპანეთი, ევროკავშირის მეზობელ ქვეყნებისგან განსხვავებით, გაცილებით რთულ ეკონომიკურ რეცესიას განიცდის, ამიტომ ახალი სამუშაო ადგილების შექმნის რესურსები არ ჩანს.
"ჩვენ ადრე უმუშევრობაზე უფრო დიდი მაჩვენებელიც გვინახავს, დაახლოებით 20%-ი, ხანდახან 21%-იც", – ამბობს ანალიტიკოსი ესტეფანია პონტე გარსია, - "მაგრამ, ჩვენი აზრით უფრო დიდი პრობლემა ეს სამუშაო ადგილების გაქრობაა. დასაქმებათა შემცირების ტემპი დაიკლებს, მაგრამ პროცესი გაგრძელდება. ეს აუცილებლად მოახდენს ზეგავლენას სამომხმარებლო მოთხოვნაზე".
სახელმწიფო ზეგავლენით მომხმარებლის სტიმულირებისათვის ხელისუფლება უდიდეს საბიუჯეტო დეფიციტს იყენებს, ის მშპ-ს 11%-ს აჭარბებს. შეგახსენებთ, რომ ევროპაში დაშვებული საბიუჯეტო დეფიციტი - 3%-ია. ქვეყნის საკრედიტო რეიტინგის დაცემის შემდეგ, ესპანეთის S&P-ს სააგენტოებს, უკვე ვალების მომსახურეობაზე ხარჯების გაზრდა მოუწევთ.