ევროკავშირის ქვეყნების ტოპ–მენეჯერებს და შეძლებულ მოქალაქეებს თავიანთი ფული გერმანიაში გადააქვთ, რადგან საკუთარ ქვეყნებს არ ენდობიან. Bloomberg–ის მონაცემებით, სექტემბერში ბუნდესტაგმა არასაბანკო სექტორიდან 15 მილიარდი დოლარის შედინება დააფიქსირა.

მიუხედავად იმისა, რომ ცალკეული ქვეყნები და მთელი ევროკავშირი გულმოდგინედ ცდილობს ევროს ზონის გადარჩენას, ევროპის ფინანსური მდგომარეობა სულ უფრო უარესდება. ამიტომაც, გასაკვირი არ არის, რომ ზონის დაშლაზე სულ უფრო აქტიურად საუბრობენ და თანდათანობით პოპულარული ხდება მსჯელობა თემაზე “ცხოვრება ევროს შემდეგ”. ცხადია, ჯერ არ არსებობს საერთო და ჩამოყალიბებული აზრი, თუ როგორ განვითარდება ეს პროცესი და რა მოჰყვება მას, მაგრამ სკეპტიკოსები ირწმუნებიან, რომ ევროს ზონის აღსასრული ამა თუ იმ ფორმით ახლოვდება.

გერმანიის კანცლერი ანგელა მერკელი დარწმუნებულია, რომ ევროზონის სავალო კრიზისის მოგვარებას წლები დასჭირდება.

"ამ პრობლემის მოსაგვარებლად სწრაფი და იოლი გზები არ არსებობს", -განაცხადა მერკელმა ბუნდესტაგში გამოსვლისას.

Moody's-ი ევროზონაში ერთდროულად რამდენიმე დეფოლტს პროგნოზირებს
სარეიტინგო სააგენტო Moody's-ი ევროზონის რამდენიმე ქვეყანაში დეფოლტს პროგნოზირებს. ფინანსური ბაზრების შოკები კონტინენტის რამდენიმე სახელმწიფოს საბაზრო დაფინანსების კარს ჩაუკეტავს, რაც მათი რეიტინგების „ნაგვის“ დონემდე დაწევას, ლიკვიდურობის დეფიციტსა და ევროკავშირის ყველა ქვეყნის საკრედიტო რეიტინგების შემცირებას გამოიწვევს.

ევროკავშირმა შესაძლოა ირანიდან ნავთობის იმპორტი აკრძალოს. მიზეზი ოფიციალური თეირანის მიერ ატომური პროგრამის განხორციელებაა.

ვალებით გამოწვეულ იტალიის საფინანსო კრიზისს ორშაბათიდან შეერკინა ახალი პრემიერ-მინისტრი, რომელმაც ტექნოკრატიული მთავრობა უნდა ჩამოაყალიბოს. მასზეა ახლა მთელი იმედები არა მარტო იტალიისა, არამედ ევროზონისაც, რომლის ვალუტას - ევროს - ღრმად დაცემა ემუქრება.”კვირას მარიო მონტი, აღიარებული ეკონომისტი და ევროკავშირის ყოფილი კომისარი, იტალიის პრეზიდენტ ნაპოლიტანოს შეთავაზებას დასთანხმდა.

საერთაშორისო სავალუტო ფონდის ხელმძღვანელის თანახმად, ვალის კრიზისი გლობალური ეკონომიკისათვის დაკარგული ათწლეული იქნება, თუკი ვერ მოხერხდა ევროზონის ვალის კრიზისის საყოველთაო გავრცელების შეჩერება. კრისტინ ლაგარდმა აღნიშნული განცხადება გააკეთა ჩინეთში, სადაც საერთაშორისო სავალუტო ფონდის ხელმძღვანელმა მოუწოდა ჩინეთს და სხვა ქვეყნებს დაეხმარონ ევროპას ფინანსური კრიზისის დაძლევაში.

ჩინეთი მზადაა ევროპას გაუწიოს ეკონომიკური დახმარება, თუ ევროპა სამი პირობიდან ერთ-ერთს დათანხმდება: საერთაშორისო სავალუტო ფონდში უნდა გაზარდოს ჩინეთის გავლენა; მსოფლო სავაჭრო ორგანიზაციაში გაზარდოს მისი ეკონომიკური სტატუსი ან ევროპულ იარაღებზე ემბარგო მოხსნან, - განაცხადა სააგენტო ღეუტერს-მა, ორ დამოუკიდებელ წყაროზე დაყრდნობით. ევროპაში, ეს წინადადებები სახიფათოდ და შეურაცხმყოფელად ჩათვალეს.

რას მოასწავებს იტალიის ეკონომიკური და პოლიტიკური კრიზისი საერთო-ევროპული ვალუტის - ევროსთვის.
თუ იტალიასაც, სიდიდით ევროპის მესამე ეკონომიკას, საბერძნეთის ბედი ეწია, ვალებში ჩაფლულმა თავი ვერ დააღწია კრიზისს, ევროზონას დაშლა ემუქრება.

G20 შეძლებს გადაჭრას ევროპის სავალო პრობლემები საერთაშორისო სავალუტო ფონდის რესურსების გაზრდის ხარჯზე

3-4 ნოემბერს კანში ჩატარებულ G20-ის სამიტს სიურპრიზები არ მოჰყოლია: კარდინალური გადაწყვეტილებები, გლობალური ეკონომიკური სიტუაციის გამოსასწორებლად პრინციპული საკითხები არ ყოფილა მიღებული. წამყვანი ქვეყნების ლიდერებმა მიიღეს გადაწყვეტილება გაემკაცრებინათ კონტროლი ფინანსურ ბაზრებზე, რომელიც ევროპასა და აშშ-ში მანამდე იყო გატარებული, და შეთანხმდნენ საერთაშორისო სავალუტო ფონდის რესურსების გაზრდაზე. მთავარი სიახლე, შეხვედრის დაწყებამდე იქნა გახმაურებული: ევროკავშირის ქვეყნებმა აიძულეს საბერძნეთის პრემიერ გეორგიოს პაპანდრეუს უარი ეთქვა რეფერენდუმის ჩატარებაზე, რომელმაც მსოფლიო ბაზრები შეაშინა.

FITCH-ის პროგნოზით, რუსეთის მსოფლიო სავაჭრო ორგანიზაციაში გაწევრიანება ქვეყანაში ბიზნეს-გარემოს გააუმჯობესებს

საერთაშორისო სარეიტინგო კომპანია FITCH-ის პროგნოზით, რუსეთის მსოფლიო სავაჭრო ორგანიზაციაში გაწევრიანება ქვეყანაში ბიზნეს-გარემოს გააუმჯობესებს.
რუსეთის მსო-ში გაწევრიანება ქვეყნისთვის დადებითი ფაქტორი იქნება. ამასთან, ის ეკონომიკის ზრდის ტემპებს დააჩქარებს და ეკონომიკის დივერსიფიცირებას შეუწყობს ხელს. საშუალოვადიან პერსპექტივაში კი, თუ რუსეთი მსო-ის ვალდებულებებს სრულად შეასრულებს, ქვეყანაში ბიზნეს-გარემო გამოსწორდება და ის უცხოური ინვესტიციებისთვის უფრო მიმზიდველი გახდება”, - ნათქვამია სააგენტოს განცხადებაში.”ამასთან, სააგენტოს ანალიტიკოსებს მაგალითად ჩინეთი მოჰყავთ და აცხადებენ, რომ მსო-ის წევრობა ჩინეთის ეკონომიკაზე დადებითად აისახა.

გერმანიის კანცლერის ანგელა მერკელის განცხადებით, ევროპას სულ მცირე 10 წელი დასჭირდება ფინანსური სისტემის გაჯანსაღებისა და დავალიანების კრიზისიდან გამოსვლისთვის.კომენტარებში, რომლებიც მერკელის პირად საიტზე გაჩნდა, ნათქვამია, რომ რომ კრიზისიდან გამოსვლისთვის აუცილებელია, ევროზონის ყველა ქვეყანამ საკანონმდებლო დონეზე შეზღუდოს სახელმწიფო დავალიანების დონე.

საერთაშორისო სავალუტო ფონდის დირექტორი კრისტინ ლაგარდი მოსკოვს ევროზონის დახმარებას სთხოვს.

„დიდი ოცეული" (G20) მხარს უჭერს საერთაშორისო სავალუტო ფონდის (სსფ) ფინანსური და ტექნიკური არსენალის გაფართოებას, რათა უზრუნველყოფილი იყოს გლობალური ფინანსური სტაბილურობა" - ნათქვამია კანში გამართულ G20-ის ქვეყნების სამიტზე მიღებულ კომუნიკეში.

დაახლოებით ერთი კვირის წინ მანჰეტენის ფედერალურმა სასამართლომ ჰეჯ-ფონდ გალლეონ გროუპ-ის მეპატრონე, რაჯ რაჯარათნამი ინსაიდერული ინფორმაციის გამოყენებაში დამნაშავედ სცნო და მას 11 წლით თავისუფლების აღკვეთა მიუსაჯა

ევროზონის საკრედიტო კრიზისმა, პოლიტიკოსებისა და ფინანსისტების ძალისხმევის მიუხედავად, ისეთ მასშტაბებს მიაღწია, რომ უკვე რეგიონის მთელ ფინანსურ სისტემას ემუქრება. ამის შესახებ ევროპის ცენტრალური ბანკის ხელმძღვანელმა ჟან-კლოდ ტრიშემ ევროპარლამენტში გამოსვლისას განაცხადა.

მომავალი კვირიდან, ევროპის ცენტრალურ ბანკს ახალი ხელმძღვანელი ეყოლება. ჟან პოლ ტრიშეს, რომელიც ევროპის ცენტრალურ ბანკს 2003 წლიდან ხელმძღვანელობდა, იტალელი მარიო დრაგი შეცვლის.

საერთაშორისო სავალუტო ფონდი შიშობს, რომ ევროზონის სავალო კრიზისმა შესაძლოა აღმოსავლეთ ევროპა სერიოზულად დააზარალოს და მოუწოდებს რეგიონს კრიზისის ასაცილებლად დამატებითი უსაფრთხოების ზომები მიიღოს,- იტყობინება Reuters-ი.

მსოფლიო უფრო და უფრო დიდი სიძნელეების წინაშე დგას, - აცხადებს ჯიმ როჯერსი. Handelsblatt –თან ინტერვიუში გამოჩენილი ინვესტორი საუბრობს, რა გზებითაა შესაძლებელი სავალო კრიზისიდან გამოსვლა და რატომ აქვს ევროს უდიდესი მნიშვნელობა მსოფლიო ეკონომიკისთვის. მან ასევე განმარტა, რატომ არ არის დეფოლტი ევრო ზონის ორი-სამი ქვეყნისთვის ისეთი საშიში, როგორც ზოგიერთები წარმოაჩენენ.

პრეზიდენტი ბარაკ ობამა სახელმწიფო ვალის დასაფარად ამერიკელი გადამხდელებისთვის, რომელთაც 1 მილიონ დოლარზე მეტი შემოსავალი აქვთ, ახალი მოსაკრებლის დაწესებას აპირებს. ეს იდეა ამერიკელ მილიარდერს უორენ ბაფეტს ეკუთვნის.
გადასახადების ზრდის საკითხი იქნება იმ რეკომენდაციების ნაწილი, რომელსაც პრეზიდენტი სპეციალურად კონგრესის კომიტეტზე განიხილავს. კომიტეტი სახელმწიფოს 1.5 მილიარდ დოლარიანი გრძელვადიანი დეფიციტისგან თავის დაღწევის გზებს ეძღვნება.

სააგენტო "როიტერის" ცნობით, ლონდონში, InterContinental Exchange Futures-ზე "Rent" ტიპის ნავთობის ფასი ბარელზე 0,27 აშშ დოლარით შემცირდა

პროგრამული უზრუნველყოფის ერთ-ერთი უმსხვილესი კომპანია Oracle-ი ანტიკორუფციული გამოძიების ყურადღების ცენტრში მოექცა. ის უცხოელ კონტრაგენტებისთვის ქრთამის მიცემაშია ეჭვმიტანილი.

ჩეხეთი ჯერჯერობით არ აპირებს ევროზონაში შესვლას. „ჩვენ დავთანხმდით, გავერთიანდეთ სავალუტო კავშირში და არა საკრედიტო ან სატრანსფერო ორგანიზაციაში,“ - განაცხადა ჩეხეთის პრემიერ-მინისტრმა პეტრ ნეკაშმა გაზეთ The Wall Street Journal-ისთვის მიცემულ ინტერვიუში.

პრემიერ-მინისტრის, ნაოტო კანის მიერ პოსტის დატოვების შემდეგ, იაპონიის მთავრობა სრული შემადგენლობით გადადგა. დღეს, ქვეყნის პარლამენტი ხმას მისცემს მმართველი დემოკრატიული პარტიის მიერ არჩეული, იაპონიის ახალი პრემიერ-მინისტრის, იოსიხიტო ჰოდას კანდიდატურას. ახალი მთავრობის ფორმირებაც სწორედ მას დაევალება.

მედიაკომპანია „ბლუმბერგმა“ მისი კონკურენტის, ამერიკული მედიაკომპანია Bureau of National Affairs-ის 990 მილიონ დოლარად ყიდვის შესახებ შთანხმებას მიაღწია.BNA-ს მესაკუთრეები თითოეულ აქციაში 39,5 დოლარს მიიღებენ.

საერთაშორისო სავალუტო ფონდის ახლადდანიშნულმა ხელმძღვანელმა კრისტინ ლაგარდმა ამერიკელ და ევროპელ ლიდერებს მიმართა რეკომენდაციით, მიიღონ სასწრაფო ზომები ძალისხმევის კოორდინაციის მიზნით მონეტარულ პოლიტიკაში, კერძოდ ევროპული ბანკების რეკაპიტალიზაციის მიმართულებით, რათა რეცესიის ახალი ტალღა აიცილონ თავიდან.

საფრანგეთმა, იტალიამ, ესპანეთმა და ბელგიამ გასული ხუთშაბათიდან ბაზრებზე პანიკის შესამცირებლად ფინანსური კომპანიების აქციების მცირე გაყიდვები აკრძალეს. `შორტ~-ებზე აკრძალვები დაამშვიდებს სპეკულანტებს და დაასტაბილურებს საბანკო კოტირებებს, მაგრამ ვერაფერს ვერ მოუხერხებს მაკროეკონომიკურ პრობლემებს და რეცესიის განმეორების შიშს, ფიქრობენ ექსპერტები.

მსოფლიო ფინანსურ ბაზრებზე მიმდინარე პროცესები მეორე მსოფლიო ომის შემდეგ ყველაზე ცუდი კრიზისია. ამის შესახებ ევროპის ცენტრალური ბანკის მეთაურმა ჟან კლოდ ტრიშემ განაცხადა და დაამატა, რომ ამ კრიზისს პირველი მსოფლიო ომის შემდგომი პერიოდის ყველაზე უარესი კრიზისიც კი შეიძლება ეწოდოს.

წამყვანმა სარეიტინგო სააგენტო ფიჩმა ამერიკის რეიტინგი სამი AAA-ს დონეზე დაადასტურა, რაც იმას ნიშნავს, რომ ამერიკის შეერთებული შტატები კვლავ ყველაზე მაღალი საკრედიტო რეიტინგის მქონე ქვეყანაა.