ნანახია: 628

ყაზბეგის რაიონს ენერგომომარაგება სრულად აღუდგა. ს.ს. "ენერგო-პრო ჯორჯიას" ტექნიკურმა ბრიგადებმა მთლიანად მოახდინეს დიდთოვლობის შედეგად დაზიანებული ქსელის რეაბილიტაცია და გათიშული აბონენტებისთვის ელექტროენერგიის მიწოდების განახლება.
ყაზბეგის რაიონში ელექტროენერგიის გათიშვის მიზეზი რეგიონში მოსული ძლიერი თოვლი იყო, რომელმაც დააზიანა და გაწყვიტა ელექტროენერგიის გადამცემი ხაზები და გამოიწვია ფიდერების ავარიული გათიშვა.
რთული მეტეოროლოგიური პირობები აფერხებდა სარემონტო სამუშაოების წარმოებას, თუმცა ს.ს. "ენერგო-პრო ჯორჯიას" მობილური ტექნიკური ბრიგადები მაინც არ წყვეტდნენ საგანგებო რეჟიმში მუშაობას, რომ დროის მაქსიმალურად მოკლე მონაკვეთში აღედგინათ გათიშული აბონენტების დენის მიწოდება.