"შეიძლება, რაღაც ეტაპზე, ხელისუფლებას მართლა სხვა გზა არ დარჩეს, თუ არა ძალა გამოიყენოს, რადგან არაოპოზიციონური საზოგადოების უფლებებიცაა დასაცავი. ამ მომენტისათვის მათ, ალბათ, სრული მორალური (და არამარტო იურიდიული) უფლება ექნებათ საამისოდ. მაგრამ ეს მაინც ძალიან სახიფათო მომენტი იქნება. ამ შემთხვევაში უკვე პოლიციის პროფესიონალიზმი და უნარ-ჩვევები იქნება გადამწყვეტი, მაგრამ ასეთ ვარიანტზე აქედანვე მშვიდად და ისტერიკის გარეშე უნდა ვისაუბროთ (გია ნოდია "ჰესბოლას გზა თუ გალიების აგრესია?" გაზეთი "24 საათი", 25 აპრილი, 1 მაისი, 2009წ).
ხელისუფლების ერთ-ერთი ფავორიტი, არასამთავრობო სექტორის ერთ-ერთი ყველაზე კარგად დაფინანსებული პერსონა განათლების ყოფილი მინისტრი, საარჩევნო ეგზიტპოლების გამყალბებელი (არც ერთ კვლევას ეგზიტპოლის შედეგები არ დაემთხვა) ხელისუფლების ფავორიტი ექსპერტი საყურადღებო განცხადებას აკეთებს. იგი ფაქტობრივად მოუწოდებს ხელისუფლებას მიტინგების დაშლისკენ. არავისთვის არ წარმოადგენს საიდუმლოს, რომ გია ნოდია მმართველი ჯგუფის ერთ-ერთი კონსულტანტია და მის აზრს ან უსმენენ, ან ის თავად ახმოვანებს ხოლმე მნიშვნელოვან გადაწყვეტილებებს.
მისი განცხადება იმის ნიშანია, რომ ხელისუფლება უკვე ფიქრობს ძალისმიერი მეთოდების გამოყენებაზე და ამ მიზნით ელოდება, როდის დაიღლებიან მომიტინგეები და როდის მობეზრდება აქციები ნეიტრალურ პოზიციაზე მდგომ მოქალაქეებს.
გოგა აბრამიშვილი
რეგისტრაცია!
