ნანახია: 704

უკრაინის ისტორიის სახელმძღვანელოებიდან "ნარინჯისფერი რევოლუცია" ამოღებულია

უკრაინის მეხუთე კლასის ისტორიის ახალ სახელმძღვანელოებში არ არის ნახსენები 2004-2005 წლების "ნარინჯისფერი რევოლუცია" და მისი მსოფლიო ისტორიული მნიშვნელობა, წერს გაზეთი "სევოდნია".
როგორც ინოვაციური ტექნოლოგიებისა და განათლების ინსტიტუტის დირექტორმა, ალექსანდრე უდოდმა განაცხადა, ისტორიის შესავალ კურსს არ უნდა ზედმეტი პოლიტიზირება.
სკოლის კურსის ისტორიის სახელმძღვანელოში "ნარინჯისფერი რევოლუცია" შეისწავლება, მხოლოდ მე -11 კლასში.
ძველ სახელმძღვანელოებში მაიდანს და იქ განვითარებულ ამბებს ცენტრალური ადგილი ეჭირა, მეტიც, სახელმძღვანელოს ყდაზე იყო გამოსახული ხალხი ნარინჯისფერი დროშებით.
ნაციონალისტური ფრთის უკრაინელმა პოლიტიკოსებმა განაცხადეს, რომ უკრაინის ისტორია მაიდანის გარეშე იქნება არასრული, ხოლო მმართველი პარტიის წარმომადგენლებმა, პირიქით, მსგავსი ქმედება მოიწონეს.
მასწავლებლები კი გულგრილად შეხვდნენ მაიდანის ამოღებას სახელმძღვანელოებიდან. ერთ-ერთმა პედაგოგმა განმარტა: "ბოლო წლებში ეს თემა პრაქტიკულად არ იქნა შესწავლილი, რადგან არ იყო საკმარისი დრო. ასე რომ, თუ ამოიღებენ, დაე იყოს ასე".
2004 წლის ბოლოს და 2005 წლის დასაწყისში კიევში ფართომასშტაბიანი საპროტესტო აქციები გაიმართა, რომელიც "ნარინჯისფერი რევოლუციით" დაგვირგვინდა. მაშინ ათასობით ადამიანი შეიკრიბა კიევის ცენტრში და გამართეს საპროტესტო აქცია, ისინი ეწინააღმდეგებოდნენ საპრეზიდენტო არჩევნების მეორე ტურში ვიქტორ იანუკოვიჩის გამარჯვებას.
შედეგად, მათ თავისას მიაღწიეს – ჩატარდა ე.წ. მესამე ტური, რომლის შემდეგ პრეზიდენტი გახდა ვიქტორ იუშჩენკო. თუმცა, ხუთი წლის შემდეგ, მან მთლიანად დაკარგა ძველი პოპულარობა და არჩევნებში მხოლოდ მეხუთე ადგილი დაიკავა.