ნანახია: 501

სპარსეთის ყურის არაბული სახელმწიფოების თანამშრომლობის საბჭოს წევრებმა გადაწყვიტეს, არ იჩქარონ ერთიანი ვალუტის შემოღება.
გეგმების შეცვლა მათ ევროზონის სახელმწიფოების გამოცდილებამ აიძულა, სადაც ერთიანი ვალუტის – ევროს გადარჩენისთვის ბრძოლა მიმდინარეობს.
კუვეითის საგარეო საქმეთა მინისტრის განცხადებით, სავალუტო კავშირის იდეის ლობირება ევროპული პრობლემების ანალიზის გარეშე უპასუხისმგებლობაა.
თუმცა ზოგადად, ამ იდეაზე უარის თქმას აღნიშნული ქვეყნები არ აპირებენ. შეგახსენებთ, რომ გასული წლის დეკემბერში საბჭოს ქვეყნებმა მონეტარული კავშირის შესახებ განაცხადეს. ორგანიზაციის მთავარი მიზანი ერთიანი ვალუტის შემოღებაა.
კერძოდ, ერთიანი სავალუტო კავშირის შექმნის იდეას მხარი საუდის არაბეთმა, ბაჰრეინმა, ყატარმა და კუვეითმა დაუჭირეს.
ერთიანი ვალუტის შექმნა გადაწყვიტეს ასევე სამხრეთ ამერიკის ქვეყნების – ვენესუელის, ბოლივიის, ნიკარაგუას, ჰონდურასის, დომინიკისა და ეკვადორის ლიდერებმა.
მარტში კი რუსეთის ვიცე–პრემიერმა იგორ შუვალოვმა არ გამორიცხა ერთიან ვალუტაზე გადასვლა საბაჟო კავშირის ფარგლებში.