ნანახია: 821

“პროკრედიტ ბანკი” განაგრძობს ფილიალების ქსელის გაფართოებას. ოქტომბრის თვეში ახალი ფილიალი კახეთში, დაბა წნორში გაიხსნა. “პროკრედიტ ბანკის” მომსახურებით ახლა კახეთის რეგიონის მცირე და საშუალო მეწარმეები, განსაკუთრებით კი სასოფლო-სამეურნეო საქმიანობით დაკავებული პირები და რეგიონის მოსახლეობა ისარგებლებენ. 2007 წელს ბანკმა წნორში მიწის ნაკვეთი შეისყიდა, რომელზეც თანამედროვე ტიპის, ევროპული სტანდარტების შესაბამისი შენობა აშენდა. პროექტის ავტორია გერმანელი არქიტექტორი ანდრე ნიკიში. პროექტის მთლიანი ინვესტიცია კი ერთი მილიონი ლარია. ფილიალში შექმნილი სასიამოვნო გარემო და მაღალი დონის მომსახურება კლიენტებს მაქსიმალურ კომფორტს შეუქმნის. “პროკრედიტ ბანკის” ფილიალების ქსელი ამჟამად ქვეყნის მასშტაბით 59 ფილიალს ითვლის. ეს რიცხვი 2009 და 2010 წლებში კიდევ გაიზრდება. ფილიპ პოტი, “პროკრედიტ ბანკის” გენერალური დირექტორი: “პროკრედიტ ბანკმა” ახალი ფილიალი კახეთში, დაბა წნორში გახსნა. დაახლოებით ოთხი წლის წინ გახსნილი თელავის ფილიალის მომსახურებით არა მხოლოდ თელავში მცხოვრები კლიენტები, არამედ კახეთის რეგიონის სხვა ქალაქებისა და სოფლების, მათ შორის წნორის მცხოვრებნიც სარგებლობდნენ. ახლა მათ უფრო სწრაფად და იოლად შეეძლებათ ჩვენი ბანკის მომსახურებით სარგებლობა. “პროკრედიტ ბანკი” ყოველთვის დიდ ყურადღებას უთმობდა საქართველოს ეკონომიკის განვითარებისათვის მნიშვნელოვანი დარგის – სოფლის მეურნეობის დაკრედიტებას. კახეთის რეგიონს კი ამ თვალსაზრისით განვითარების მნიშვნელოვანი პოტენციალი აქვს. ახალი ფილიალის საშუალებით ჩვენ კიდევ უფრო დავუახლოვდებით როგორც არსებულ კლიენტებს, ასევე იმ მეწარმეებს რომლებიც მომავალში ისარგებლებენ პროკრედიტ ბანკის მომსახურებით.”