ნანახია: 857

მაია მერედოვა 2007 წლიდან “პროკრედიტ ბანკი საქართველოს” დირექტორთა საბჭოს წევრია და სხვა განყოფილებებთან ერთად ადამიანური რესურსების, მცირე და საშუალო ზომის ბიზნესებისა და ორგანიზაციების განყოფილებებს კურირებს. საქართველოში მუშაობის დაწყებამდე მაია მერედოვა მუშაობდა “პროკრედიტ ბანკი სერბეთში” და ფინანსურ კომპანიაში “პროკრედიტ მოლდოვა”. ასევე მუშაობდა ყირგიზეთში ევროპის რეკონსტრუქციისა და განვითარების პროექტების მსოფლიო ბანკის კონსულტანტად.
“პროკრედიტ ბანკი საქართველოს” მენეჯმენტი ამჟამად ოთხი წევრისგან შედგება: მაია მერედოვა- გენერალური დირექტორი, საშა ტერნესი- დირექტორი, მენეჯმენტის გაფართოებული საბჭოს წევრი – ავთანდილ გოგოლი და ქეთევან ხუსკივაძე.
ფილიპ პოტი ფრანკფურტში, ს.ს. “პროკრედიტ ჰოლდინგში” გადავიდა და ჯგუფის საქმიანობის განვითარების განყოფილებას ჩაუდგა სათავეში. 2010 წლის აპრილში იგი “პროკრედიტ ბანკი საქართველოს” სამეთვალყურეო საბჭოს წევრი გახდა, ხოლო ამჯერად საბჭოს თავმჯდომარის თანამდებობაზე შტეფან ბოვენს შეცვლის. ბოვენი “პროკრედიტ ბანკი საქართველოს” სამეთვალყურეო საბჭოს წევრად დარჩება.
მაია მერედოვა, “პროკრედიტ ბანკი საქართველოს” გენერალური დირექტორი აცხადებს, რომ “უკვე სამი წელზე მეტია, საქართველოში ბანკის მმართველი გუნდის წევრი ვარ და ვამაყობ, რომ მომეცა შესაძლებლობა ამ უნიკალურ საბანკო დაწესებულებას ჩავუდგე სათავეში, სადაც თანამშრომლები არა მხოლოდ მაღალკვალიფიციური, არამედ საქმისადმი თავდადებული და ბანკის მისიის ერთგულნი არიან. სწორედ ამიტომაა აქ სამუშაო გარემო ასეთი სასიამოვნო და მრავლისმომცემი. მე ძალისხმევას არ დავიშურებ იმისთვის, რომ ბანკის სამომავლო განვითარებისა და გაფართოების სტრატეგია გონივრულად განხორციელდეს და ბანკმა მომავალშიც განუხრელად შეასრულოს თავის მისია – სანდო, სოციალურად პასუხისმგებელი მომსახურება გაუწიოს ქართულ ბიზნესსა და ოჯახებს.”