მეორე კვარტალთან შედარებით მესამე კვარტალში საქართველოდან 4-ჯერ მეტი კაპიტალი გავიდა

„მაღალი საერთაშორისო რეიტინგების მიუხედავად, საქართველოში უცხოური კაპიტალი თავს მშვიდად ვერ გრძნობს“

,,აზერბაიჯანის საერთაშორისო განვითარების ბანკი – საქართველოს'' აქტივები 2011 წლის 1 ივლისიდან 2011 წლის 1 ოქტომბრამდე 62.19%–ით – 61,9 მლნ. ლარიდან 100,4 მლნ. ლარამდე გაიზარდა, რაც საქართველოში არსებულ ბანკებს შორის ზრდის ყველაზე მაღალი ტემპია. რეიტინგი BPI-იმ 2011 წლის მე–3 კვარტალში დაფიქსირებული მონაცემების მიხედვით შეადგინა.

საქართველოს პარლამენტმა საშემოდგომო სესიის ბოლო სხდომაზე 2012 წლის ბიუჯეტი დაამტკიცა. მომავალი წლის მთავარი საფინანსო გეგმის საერთო მოცულობა 7 მილიარდ 940.4 მილიონი ლარით განისაზღვრა, რაც,წინა წლის მაჩვენებელთან შედარებით, 370 მილიონით მეტია. მიუხედავად ამ ზრდისა, საპარლამენტო ოპოზიციამ ახალ ბიუჯეტს მხარი არ დაუჭირა, რადგან, მათი აზრით, დოკუმენტში არ არის გათვალისწინებული ყველა ის გამოწვევა, რომელიც ქვეყნის წინაშე დგას.

ევროკავშირმა გადაწყვიტა დაიწყოს მოლაპარაკებები საქართველოსა და მოლდავეთთან ღრმა და ყოვლისმომცველი თავისუფალი ვაჭრობის შეთანხმების გარშემო და უკვე ცნობილია, რომ პროცესი მომავალი წლის პირველ კვირებში დაიწყება. პერსპექტივას, რომელსაც საქართველოს ხელისუფლების დიდი იმედი უკავშირდება, საკმაოდ სკეპტიკურად უყურებენ ლიბერალური ეკონომიკის მტკიცე მხარდამჭერები. როგორია მოლოდინი? რა დადებითი და უარყოფითი შეფასებები უკავშირდება საქართველოს სურვილს - გახდეს ევროპის ერთიანი სავაჭრო სივრცის ნაწილი?

შემოსავლების სამსახურის უფროსმა პირადად გააცნო ჟურნალისტებს სიახლე მცირე მეწარმეებისათვის. ამ სიახლის თანახმად, უახლოეს მომავალში, მცირე მეწარმეები დაბეგვრის ალტერნატიულ ფორმაზე - ფიქსირებულ გადასახადზე გადასვლას შეძლებენ. ფიქსირებული გადასახადის ორი მოდელი ამოქმედდება.

საქართველოს პრემიერ-მინისტრი მიიჩნევს, რომ საქართველომ დაამტკიცა, რომ ინვესტიციების განსახორციელებლად ერთ-ერთი მნიშვნელოვანი ქვეყანაა. მისი თქმით, საქართველოში კაპიტალდაბანდებით 100-ჯერ და 1000-ჯერ მეტი ინვესტორია დაინტერესებული. ჯერჯერობით საქართველომ თუ რამე დაამტკიცა ისაა, რომ ზედიზედ 4 წელია საინვესტიციო გეგმა ვერაფრით შეასრულა. თანაც ქვეყანაში მხოლოდ და მხოლოდ გაურკვეველი წარმომავლობის კაპიტალი შემოდის.

რუსეთში კომერციული ბანკები იპოთეკური სესხებს წლიურ11,6-12,5%-ში გასცემენ, უკრაინაში 17,8-20,3%-ად, სომხეთში იპოთეკური კრედიტების საპროცენტო განაკვეთი 12%-დან იწყება და 26%-მდე ადის, აზერბაიჯანში კი 11-13%-ს შეადგენს. რაც შეეხება საქართველოს, აქ მოქმედი 19 ბანკიდან იპოთეკურ სესხებს 9 ბანკი გასცემს, წლიური საპროცენტო განაკვეთი 12%-დან 22%-მდე მერყეობს. როგორც ამ ციფრებიდან ჩანს, საქართველოში იპოთეკურ კრედიტებზე დაწესებული საპროცენტო განაკვეთი არც ისე დაბალია და მას მხოლოდ უკრაინული ბანკების მიერ დაწესებული საპროცენტო განაკვთები უსწრებს.

"საგადასახადო კოდექსში" შესატანი ცვლილების პროექტის განხილვა ბიუროს სხდომაზე მოხდა. მოცემული პროექტი პარლამენტში უკვე ინიცირებულია.
"წარმოდგენილი ცვლილებები ბიზნესთან კონსულტაციების შედეგად მომზადდა და ე.წ. ფინანსური ამნისტიის საკითხს შეეხება. კერძოდ, მეწარმეს, რომელსაც საგადასახადო დავალიანება 2005 წლამდე წარმოეშვა და ამის თაობაზე ინფორმაცია დღემდე მიღებული არ აქვს, როგორც ძირითადი თანხა, ასევე მასზე დარიცხული ჯარიმა-საურავები ჩამოეწერება" - განმარტავს მთავრობის საპარლამენტო მდივანი გია ხუროშვილი, რომლის მტკიცებით, დღეს ინიცირებული ე.წ. ფინანსური ამნისტიით "მეწარმესა და საწარმოს რამდენიმე მილიონი ლარი დარჩება".

130 ლარიანი სალარო აპარატები მეწარმეებს 290 ლარად აყიდინეს

საინტერესოა, რელურად რას ფიქრობდა ჩვენი ხელისუფლება, როდესაც 2011 წელს ქვეყანაში ახალი GPRS სალარო აპარატები შემოიტანა და მეწარმეებს, რომელთა წლიური ბრუნვა 100 ათას ლარს აღემატებოდა მათი შეძენა მოსთხოვა. ეს სალარო აპარატები მეწარმეებისათვის 290 ლარი ღირდა.

სადაზღვევო ბაზრის ერთერთ ლიდერი „ალდაგი ბისიაი“ სადაზღვევო კომპანია „პარტნიორს“ ყიდულობს. არაოფიციალურად ამ გარიგებას „საქართველოს ბანკს“ უკავშირებენ, რომელიც “ალდაგი ბისიაის” მფლობელია

„ადამიანებს საშუალება უნდა მიეცეთ, ვალუტა თავად აირჩიონ“

საქართველოს ევროს თავისუფალ ბრუნვაში ჩაშვების შემთხვევაში საბერძნეთზე გაცილებით დიდი პრობლემები შეექმნებოდა. ამ შინაარსის განცხადებას „კომერსანტთან“ საუბარში ერთ-ერთი უმსხვილესი საინვესტიციო კომპანია „ჯი–აი–ჯი პლიუსის“ დამფუძნებელი აკეთებს.

დავით ასლანიშვილის განმარტებით, რამდენიმე წლის წინ ცნობილი ეკონომისტები საქართველოს ევროს მიმოქცევაში ჩაშვებას სთავაზობდნენ, თუმცა ეროვნულმა ბანკმა მხარი ეროვნულ ვალუტას დაუჭირა. წინააღმდეგ შემთხვევაში, მისი პროგნოზით, საქართველოში საბერძნეთის მდგომარეობა გამეორდებოდა. ამასთან, ასლანიშვილის შეფასებით, ლარიზაციის პოლიტიკა რთული შესასრულებელია, რადგან ლარი რაღაც პორციით არის ევრო, რაღაც პორციით დოლარი და ის გარკვეულწილად ამ ვალუტების ანარეკლია.

ეროვნული ბანკის პრეზიდენტის ბრძანებით, 2012 წლის 1 იანვრიდან ფასიანი ქაღალდების რეგისტრატორის აუდიტირებული საკუთარი კაპიტალი არანაკლებ 250 ათას ლარს უნდა შეადგენდეს, რაც დღეისათვის მოქმედ ნორმაზე 16,6-ჯერ მეტია.

საქართველოს ბანკმა ახალი ტიპის სერვისცენტრი წარადგინა

“საქართველოს ბანკმა” დღეს ახალი ტიპის სერვისცენტრები - “საქართველოს ბანკის ექსპრესი” წარადგინა, რომელიც, როგორც ბანკში აცხადებენ, გამოირჩევა ულტრათანამედროვე დიზაინით და მომხმარებელს მოხერხებულ, სწრაფ და მარტივ მომსახურებას სთავაზობს.

როგოც ცნობილია აზიის განვითარების ბანკს, საქართველოს მთავრობასთან არაერთი სასესხო ხელშეკრულება აქვს გაფორმებული, მითუმეტეს ტურისტული გარემოს გაუმჯობესებისათვის.
1 დეკემბერს საქართველოს ფინანსთა მინისტრმა დიმიტრი გვინდაძემ და ADB-ის მუდმივმა წარმომადგენელმა საქართველოში ქეითი მ. ჯულიანმა კიდევ ერთ ხელშეკრულებას მოაწერეს ხელი, კერძოდ: საქართველოს მთავრობამ აზიის განვითარების ბანკისგან 40 მლნ აშშ დოლარი ისესხა.

„საქსტატის" წინასწარი ინფორმაციით, საქართველოში 2011 წლის ოქტომბერში ეკონომიკის ზრდის ტემპმა 8,8% შეადგინა.

2011 წლის 29 ნოემბერს სასტუმრო ”ბეტსის” საკონფერენციო დარბაზში პოლიტიკური გაერთიანება ”თავისუფალი დემოკრატების” და არასამტავრობო ორგანიზაცია ”ახალგაზრდა ფინანსისტთა და ბიზნესმენთა ასოციაცია - აფბას” წარმომადგენლებმა ერთობლივი ბრიფინგი გამართეს. ბრიფინგს ”თავისუფალი დემოკრატების” ეკონომიკური საბჭოს თავმჯდომარე, ფინანსთა ექს-მინისტრი დავით ონოფრიშვილი და ”აფბას” პრეზიდენტი ნოდარ ჭიჭინაძე უძღვებოდნენ. მხარეებმა შეთანხმებული კრიტიკული ანალიზი და ხედვა გააცნეს საზოგადოებას ბიუჯეტის პროექტთან დაკავშირებით. ”თავისუფალი დემოკრატები” და ახალგაზრდა ფინანსისტები პროექტში არსებულ სერიოზულ ხარვეზებზე მიუთითებენ და მათ დაუყოვნებლივ გამოსწორების აუცილებლობაზე საუბრობენ.

საქართველოში 2010 წლის დაზუსტებული მონაცემებით, მთლიანი შიდა პროდუქტი (მშპ) 2009 წელთან შედარებით 6,3%-ით გაიზარდა. წინასაწარი მონაცემებით ეს მაჩვენებელი 6,4% იყო.
"საქსტატის" მონაცემებით, მშპ-ის მაჩვენებელმა მიმდინარე ფასებში 20,743 მლრდ ლარი შეადგინა, რაც 15,3%-ით მეტია 2010 წლის ანალოგიურ პერიოდთან შედარებით. ამ პერიოდში დეფლატორის (ფასების საერთო დონის ცვლილება) ზრდის მაჩვენებელი 8,5%-ია.

ექსპორტის მაჩვენებლების მიხედვით, საქართველოსთვის ერთ-ერთი ყველაზე მნიშვნელოვანი უკრაინის ბაზარიც შესაძლოა მიუწვდომელი და უინტერესო გახდეს.

"საქსტატის" მეთოდოლოგიის შესაბამისად, იმისათვის, რომ ადამიანი ჩაითვალოს დასაქმებულად, არ არის აუცილებელი, რომ მას ჰქონდეს ხანგრძლივვადიანი შრომითი ხელშეკრულება ან დაქირავებული იყოს ვინმეს მიერ. მიუხედავად იმისა, რომ თვითდასაქმებულთა გარკვეული ნაწილის სოციალური მდგომარეობა სახარბიელო არ არის და შესაძლოა ისინი ეძებდნენ დამატებით სხვა სამსახურს, ზემოაღნიშნული მეთოდოლოგიის თანახმად, თუ ადამიანი საკუთარი შრომით შემოსავალს იღებს, ის დასაქმებულად უნდა ჩაითვალოს.

რის ხარჯზე აღმოაჩნდათ ბანკებს ეგზომ დიდი მოგება? ეს კითხვა აბსოლუტურად ლოგიკურად გაჩნდა. ბოლო 3 წელია ქვეყანაში ბიზნესი ერთ ადგილს ტკეპნის (ან უკან მიდის), ეკონომიკა არ ვითარდება, ბანკებმა კი ასეულობით მილიონი მიითვალეს. 2011 წლის ათი თვის მონაცემებით, ბანკებმა რეკორდული, 234-მილიონიანი მოგება მიიღეს.

ოპოზიცის პროტესტის მიუხედავად, თბილისის საკრებულომ ხმათა უმრავლესობით 2012 წლის ბიუჯეტი დაამტკიცა.
პარასკევს გამართულ სხდომაზე, ქალაქის მთავარი ფინანსური დოკუმენტი თბილისის მერის მოადგილემ, დავით ალავიძემ წარადგინა.

საქართველოში მოქმედი ბანკების რეიტინგი, 2011 წლის პირველი ნოემბრისთვის აქტივების მოცულობების მიხედვით:

ქართული საბანკო სექტორის მოგება რეკორდებს ხსნის. ათი თვის მონაცემებით ბანკებმა 234 მილიონიანი მოგება მიიღეს, რაც ბოლო წლების მაქსიმუმია.