ადვოკატთა ასოციაციის ახალი თავმჯდომარე "ბ&ფ"-ს სკანდალურ ინფორმაციას აწვდის. რაზეც ის საუბრობს, მხოლოდ სომალიში, რუანდაში, ჩრდილოეთ კორეაში, ნაურუში, უზბეკეთში და ბირმა-მიანმაში შეიძლება მოხდეს.

"საუბარი იყო ნებისმიერ თანხაზე, რასაც დავასახელებდი, ერთ მილიონ ევროზე, შემოთავაზებები იყო ფულის ევროპის ბანკებში გადარიცხვაზე. თუ ასე მოვიქცეოდი, მაშინ არ უნდა გამოვჩენილიყავი და ან ეს არჩევნები წამეგო. მომიგზავნეს ჩემი მეგობარი შალვა ხაჭაპურიძე, ამ საუბარს ესწრებოდა ჩემი საარჩევნო გუნდის წევრი, ბატონი იური ვაზაგაშვილი, თავიდან ყველაფერი ხუმრობა მეგონა. ხელისუფლებამ შემომითვალა, ჩამოვყალიბებულიყავი, ბოლოსდაბოლოს, რამდენი მილიონი მინდოდა. მაშინ შალვას ვთხოვე, რომ იმ ნაძირალასთვის დაერეკა და ეთქვა, ხატიაშვილი არ იყიდებაო. მთავაზობდნენ, თუკი საქართველოში არ მსურდა გადარიცხვა, უცხოეთში განახორციელებდნენ საბანკო ოპერაციას. ფულს რეიტინგის გამო მიხდიდნენ, რომ არ დაფიქსირებულიყო საზოგადოებაში ორი რამ – პრინციპულმა პიროვნებამ არ აიღო ფული და ადამიანმა მოიგო ობიექტურად არჩევნები. როცა იცხოვრებ ისე, როგორც უწმიდესი გეუბნება, ვერავინ ვერ მოგერევა, როდესაც ფულს აიღებ და შემდეგ გინდა იყო ლიდერი, შენ იმ მეძავისაგან არაფრით განსხვავდები, რომელიც სხეულს ყიდის".

რატომ გაძვირდა საწვავი, ლოგიკური ახსნა არ არსებობს

არჩევნების წინ ან სააკაშვილი გაბრაზდება ან უგულავა და საწვავი 5 თეთრით გაიაფდება


გუშინ ბენზინგასამართი სადგურების ფასების აბრებზე დაფიქსირებულმა ცვლილებებმა ქართველ მძღოლებს და საწვავის სხვა მომხმარებლებს კიდევ ერთხელ გაგვახსენეს, რომ საქართველოში ვცხოვრობთ. ბოლო ერთი კვირის განმავლობაში საწვავის საცალოდ მოვაჭრე ყველა ქსელურმა კომპანიამ ერთხმად გაზარდეს ფასები. ბენზინი "ეტაპობრივად" ჯერ 5 თეთრით, ხოლო 20 იანვარს 10 თეთრით გაძვირდა. საბოლოო ჯამში, რეგულარის ტიპის საწვავზე, რომელზეც ყველაზე მაღალი მოთხოვნაა, ფასი 15 თეთრით გაიზარდა და 1.77 ლარი გახდა.

საქართველოს ხელისუფლებაც და რუსეთის ხელისუფლებაც ერთ კანდიდატს – იულია ტიმოშენკოს უჭერს მხარს